Blogia
DEPÓSITO

Gasosa: bebida agropop?

A gasosa é unha bebida composta pola mestura de auga, gas, sacarina e ciclamato que todas e todos temos –ou tiñamos– nas nosas casas, servida a domicilio. Antigamente o reparto facíase en carros de cabalos, despois en moto-carro e finalmente cun camión.

É curioso que até o ano 1816 as gasosas só se podían vender nas boticas, pois estaban consideradas preparados medicinais.
Está claro que até hai ben pouco a empresa gasoseira galega era importante nas pequenas e medianas vilas. A primeira empresa de gasosas galega fundouse en Compostela en 1886. A partir desa data en case todos os concellos do país había unha fábrica para producir primeiro gasosas brancas e posteriormente de limón, de laranxa, sifóns e rasodas (refrescos de cola). Estas repartíanse polas casas e viñan en botellas retornábeis de vidro dun litro e con tapón mecánico de plástico, metal e goma laranxa para que non perdesen o gas. Todo o mundo coñece, mercou, probou, veu, etc., Gasosas Maruxa, Pitusa, Suárez, Teimar, Barbanza, Fonte Roca, Abelleira, Lidia..., e como non, La Revoltosa e La Casera. En toda mesa á hora de xantar tiña -ou ten- que haber gasosa.

A penetración de novos refrescos polas multinacionais fixo que retiraramos as nosas gasosas de enriba do mantel e polo tanto tamén fixo case desaparecer as pequenas fábricas, aínda que algunhas aínda resisten. Fagamos que poidan seguir vivindo, xantemos con gasosa.
¿Y esta publicidad? Puedes eliminarla si quieres.

7 comentarios

porquiño -

como tamén recorda dorfun a gaseosa do meu pasado era a dos 15 hermanos, que realmente eran 15 na familia; na botella saían debuxados 15 homiños brancos.

paleón -

mágoa que non poidas vir!!! pero si a gaseosa é todo un invento... habería que reivindicar a volta do Coes (viño de mesa) con gaseosa con forsa... ademáis as gomas das gaseosas de antes valían para a corda dos pións

Depósito -

O problema que teño eu coas fotos é que non teño cámara dixital... Espero tela pronto, pero polo de agora non podo achegar fotos.
Teño que ir modernizándome!
¿Y esta publicidad? Puedes eliminarla si quieres

dorfun -

Pois sí, reivindiquemos a gaseosa! De pequeno vivía a carón dunha embotelladora, á que íamos puntalmente a por auga do pozo para beber. Ainda lembro o cheiro da cola coa que pegaban as etiquetas. Unha lembranza para A Pilarica (que ainda existe, pero noutro sitio e con outra xente)...e como non á mítica Los 15 hermanos!!!

caladinha -

Lástima que non poidas vir á festa AP-A, non esquezas sacar fotos pola túa parroquia.

caladinha -

Lembrades cando chegou a habelas de laranxa e limón, comercializadas por estas mesmas empresas???

Ah, esquecéuseche Gasesosas Alonso, dalá das terras de Deza, que sobrevive aínda ;-)

Depósito -

Acábome de dar de conta de que o día 18 non poderei asistir á festa AP-A debido a que son tamén as festas da miña parroquia, e non podo faltar. Sinto non poder estar nas Crechas, pero pódovos asegurar que as festas de miña parroquia tamén teñen moito de AP-A.
¿Y esta publicidad? Puedes eliminarla si quieres